味來中菜餐廳 (已結業)

平时日本野、西餐、粉面食得多，间中都会想食下茶记果类港式茶餐厅😆😆今日行开黎太子，又够钟食饭，见呢间餐厅好似新开，就坐低试下👍🏻👍🏻新开餐厅一定干净企理，梳化卡位都好阔落，但张枱可以高多少少餐厅选择种类都几好，平时食开既茶餐厅野去到港式小炒都有👍🏻价钱亦几平民😍店家仲会日日都有唔同菜式👍🏻包你日日黎食都唔会重复唔会闷😂我地两个人，一人一个午餐。一个系梅菜扣肉，一个系文昌鸡。例汤先上，碗汤有白菜仔，味道比较清淡餐饮我地就一人一杯冻柠茶少甜少冰冻柠茶有跟足要求上，少甜同少冰冰岩岩够冻，柠檬茶茶底都浓野食好快就黎梅菜扣肉卖相唔错，份量比想像中多👍🏻叫得扣肉，就紧系预左食肥猪肉😋😋😋猪肉煮完都保持个形，唔会夹起散哂一层皮两层肥膏两层肉，咬落虽然未到入口即化，但都会喺口入面融为一体而且猪肉入味，吸收左酱汁同梅菜味，味道甘香。至于梅菜，唔会过咸，带猪肉香，送饭一流😋👍🏻文昌鸡就皮爽肉嫩，调味岩岩好，够咸又有鸡味。有髀位啖啖肉，肉又嫩滑又有肉汁，唔系髀位既肉都唔会韧。碟鸡份量都唔少，而且味道唔错，送饭就岩哂。总括黎讲，午市客饭既送都做得唔错。见佢晚市小菜都有好多选择，而且地方都就脚，有机会再黎试下。