Amica

营业中

休息中

太子西餐抵食之选喺始创中心行街睇家私，先发现原来3楼都有好多唔同嘅食肆，见到呢间西餐厅装修雅致，价钱大众化，一于食完野再行。三道菜晚餐由$78起，加埋甜品都只系加$20，高性价比。头盘餐饱大众化，但佢嘅牛油唔系普通牛油，系香草牛油，特别浓特别香，即刻将个包水平提升左。蟹肉南瓜意大利饭，蟹肉同意大利饭同一个颜色，差啲以为唔系好多蟹肉，一路食一路食到啲蟹肉同饭一齐，先发现蟹肉份量都唔少，佢哋嘅意大利饭唔算好硬，比较啱香港人口味。芦笋大虾配蕃茄汁意粉，有四只大虾，虾肉又结实又弹牙，Size好大只，蕃茄意粉唔会太酸。佢哋两个煮食份量都好多，食到有啲饱，所以最终冇加钱买甜品，啲服务好好，好有高级餐厅水平。