影片
更多
2020-04-30
164 浏览
闲日经过太子，终于嚟咗Bookmark已久嘅青花亭～！ 一向好钟意Fusion嘢，呢间店无论装修定食物，都结合唔同嘅异国元素～ 好似店内有好多中式传统青花瓷砖墙、格心棂花，又有地中海嘅白拱门等，睇上去好别致，影相打卡唔错！ 📸 既有中式嘅青花瓷元素，亦有地中海拱门设计，充满异国风情。 餐厅内没有大片连侬墙，却有一只只写满心声嘅纸鹤。至于食物，呢边感觉有种联合国feel，想食西餐，可以试佢哋招牌嘅墨鱼汁意粉；想食中餐，佢哋连黯然销魂饭都有拣；至于健康餐单，仲有澳纽式嘅Yogurt Bowl等等，选择多多，唔难拣到啱心水嘅美食。在咁多款美食之中，我至爱系佢哋嘅「水清沙幼洗乜坐飞机」Yogurt Bowl，同我去澳洲时食到嘅无咩分别，佢乳酪加蝶豆花，整成海浪色，加埋莓果、干橙同谷麦，冻冰冰，酸酸甜甜咁几好味。 墨鱼汁海虾面 HK$118 其次墨鱼汁海虾面，我觉得呢度墨鱼汁处理，以香港嚟讲算几好，蒜香浓郁，零腥味（香港食过好多都有微腥味），卷一团上嚟，挂汁丰厚， 唔会干争争，挤啲柠檬汁，食上口好惹味！不过我觉得只大虾就烤得干咗少少，有啲嚡口，有点败笔。 猪颈肉葱油饭 HK$118
水清沙幼洗乜坐飞机
$68
465 浏览
1 赞好
0 留言
一向好钟意Fusion嘢，呢间店无论装修定食物，都结合唔同嘅异国元素～
好似店内有好多中式传统青花瓷砖墙、格心棂花，又有地中海嘅白拱门等，睇上去好别致，影相打卡唔错！ 📸
既有中式嘅青花瓷元素，亦有地中海拱门设计，充满异国风情。
餐厅内没有大片连侬墙，却有一只只写满心声嘅纸鹤。至于食物，呢边感觉有种联合国feel，想食西餐，可以试佢哋招牌嘅墨鱼汁意粉；想食中餐，佢哋连黯然销魂饭都有拣；至于健康餐单，仲有澳纽式嘅Yogurt Bowl等等，选择多多，唔难拣到啱心水嘅美食。
在咁多款美食之中，我至爱系佢哋嘅「水清沙幼洗乜坐飞机」Yogurt Bowl，同我去澳洲时食到嘅无咩分别，佢乳酪加蝶豆花，整成海浪色，加埋莓果、干橙同谷麦，冻冰冰，酸酸甜甜咁几好味。
墨鱼汁海虾面
$118
71 浏览
0 赞好
0 留言
其次墨鱼汁海虾面，我觉得呢度墨鱼汁处理，以香港嚟讲算几好，蒜香浓郁，零腥味（香港食过好多都有微腥味），卷一团上嚟，挂汁丰厚， 唔会干争争，挤啲柠檬汁，食上口好惹味！不过我觉得只大虾就烤得干咗少少，有啲嚡口，有点败笔。
猪颈肉葱油饭
$118
37 浏览
0 赞好
0 留言
至于猪颈肉葱油饭，葱油及猪颈肉好夹，油脂丰富，质感爽口，火喉烤得刚刚好，如果个炒蛋可以快点上镬，无咁老会更佳。
Ice chocolate
$40
29 浏览
0 赞好
0 留言
我另外点了奶盖朱古力，对我嚟讲就腬咗少少，不过钟意特浓朱古力嘅人应该好Buy。
张贴
