Owl’s Stage (已結業)

又到同老公久违既拍拖日，喺太子食个西餐。呢间餐厅系猫头鹰主题。店内装修好有特色，座位都算阔落会见到open 嘅酒水Bar。我哋order咗虾蟹膏蟹肉带子意粉再加一个一人套餐有餐汤，沙律，主食同饮品。一定要推荐大家去试吓虾蟹膏蟹肉带子意粉，好有惊喜。煎香左嘅带子大只又新鲜，意粉本身有浓郁嘅虾蟹膏味，啱晒钟意食海鲜嘅我地。餐汤系甘笋汤，鲜鲜甜甜好似南瓜汤嘅质地。沙律系青苹果红菜头沙律，个人好钟意食红菜头，因为红菜头有一股清甜味。佢系用沙律醋，所以食起嚟口感唔会太甜。主食我哋拣咗西冷牛扒，拣咗五成熟。牛扒本身都几重牛味，份量一个人食都足够。配菜我哋加咗钱转五重芝士酱焗薯条，芝士味浓郁，焗完薯条都保留到有脆身嘅口感。餐饮我地点咗triple chocolate，朱古力味好浓，上面嘅忌廉唔会太甜，啱晒钟意朱古力嘅我。而且餐厅位置离地铁站好近，非常方便。