Chapter 3 Steak Bar & Restaurant (已結業)

礼拜五约朋友食chill 下食dinner，拣左呢间Chapter 3 Steak Bar & Restaurant。入面气氛唔错，环境昏暗，啱晒同朋友饮下酒倾下计。  1⃣️龙虾汁烟三文鱼阔条面（$76）呢度既意粉系可以自己mix and match 既，面条既种类、汁、配料，全部都可以自己拣。我啲就拣左龙虾汁、阔条面同埋烟三文鱼。龙虾汁好香，而且阔条面质感唔错可以挂到啲龙虾汁，几鲜味😋  2⃣️炭烧美国顶级肉眼扒（$168） 拣左七成熟，煎得啱啱好，食落肉味香浓而且冇乜筋位，唔会韧。配埋黑椒汁食好正👍  3⃣️黑森林自家手打薄饼（$138）有黑松露、菇、火箭菜、芝士等等既配料，批边几脆，配料布满成个薄饼，食得好满足，而且见到店家即叫即焗，芝士又有拉丝效果🧀️同朋友share食啱晒🤤  4⃣️粟米忌廉汤（+$22） 嗌野食可以加钱跟餐汤同饮品，餐汤食到粒粒粟米粒，都唔错。