賞島咖啡屋

营业中

休息中

行過太子有一間隱世Cafe，門口裝潢好特別，好友文青氣息，門口係湖水綠色，仲有張凳仔喺門口可以咖啡出嚟打卡！今日想食意粉，叫左個海膽味噌蟹肉意大利粉同埋蒜油花椒蜆肉意大利麵。飲品方面叫咗個士多啤梨益力多同埋柚子梳打。Cafe既意粉係即叫即做，非常之新鮮。啲蜆肉炒到好入味，撈埋啲蒜蓉花椒一齊食，成個意大利麵好豐富好香口！仲有少少麻辣！而海膽味噌蟹肉意大利面一上枱即刻好驚訝，成個意大利麵鋪滿勁多海膽汁同埋新鮮嘅蟹肉，超多蟹肉同埋蟹籽，加埋啲紫菜一齊食超級香！！！易啲飲品絕對可以拎嚟打卡扼like!啲飲品裝飾得好靚，士多啤梨益力多嘅士多啤梨係用新鮮士多啤梨打碎，再加上益力多同埋梳打水，成杯飲品粉紅色非常之少女，上面仲有紫藍色嘅冰，餐廳好有心思隔離會擺一隻公仔俾你打卡非常之靚！打卡一流！