太子餐廳

营业中

休息中

最近完成咗个project，中午决定食少少当庆功。大约一点半左右到，唔洗等位直接可以入去。我哋坐窗口位，虽然望马路，但成个内部环境几舒服。由于过咗午市高峰期，仲喺餐厅嘅都系d唔赶时间可以慢慢享受嘅食客。我哋分别叫咗「美式杂扒伴烧汁」同「煎三文鱼伴忌廉汁」讲我个杂扒先，牛扒同鸡扒质素中上，好食但未到有惊喜个种。牛脷就煮到好林，易入口，好好食。至于个三文鱼，味道都正常，但可惜太多骨啦，食落好唔方便。另外个洋葱汤都值得推介，香草味好足但又唔会太浓，清清地。