雲壽司 (已結業)

云寿司终于喺九龙区开分店，喺太子始创中心后面街，超就脚！之前我喺中环店试过佢地嘅抵食omakase ，今次晏昼过去就试埋佢地嘅Lunch set！呢度环境一样咁光猛，衞生又干净。每款Lunch set 都会包埋沙律及面豉汤，今次我地两个人就叫咗三色丼及特上寿司拼盘。三色丼$138 丼饭份量丰富，有海胆、帆立贝，三文鱼籽。寿司饭味道恰到好处，海胆口感绵滑，又够新鲜。每口饭都加上三文鱼籽，啖啖都鲜味十足！特上寿司拼盘$250寿司拼盘有吞拿鱼腩、深海池鱼、牡丹虾、赤贝、海胆、三文鱼子、火炙左口鱼边、鲭鱼、鲂𫚒、葱吞拿鱼腩寿司。推荐吞拿鱼腩寿司非常厚又无筋，赤贝寿司爽口鲜甜，鲂𫚒寿司爽弹鲜甜，葱吞拿鱼腩寿司份量好多，口感软滑又唔腥。