名悅點心 (已結業)

放假同屋企人想饮茶，但系唔想去酒楼度迫同攞位，选择左喺太子地铁站附近点心小店。 唔需要等位，坐得到几舒服。 楼面干净。叫咗蒜蓉虾陈村粉，鲜虾肠粉，凤爪，灌汤饺，煎酿三宝嘅青椒鱼肉，小笼包细个，同金钱肚。 基本上每一样都好好味，特别系凤爪，超级入味。 金钱肚都好入味，一啲都唔俾酒楼差。蒜蓉虾陈村粉，好足料，用荷叶承托住，好有特色。 小笼包热辣辣，皮薄。茶位只系需要$3 一个人，上菜时间快速，抵赞！喺闹市中可以揾到一间咁好味嘅点心小店真系好难得， 见到隔离枱食饺子，好似好好味咁。下次一定会再返嚟帮衬！