Owl’s Stage (已結業)

今个星期日约左朋友去太子大南街Owl's Stage食午餐。地点虽隣近地铁站，但唔算太旺，竟然都可以揾到甘高质素嘅餐厅，好惊喜😍。餐厅装潢分外有格调，挂满特色靓画，大部分以猫头鹰为主题，富有艺术色彩。食物亦相当有质素，点了两主菜，沙律及一个甜品同朋友share食。虾膏蟹肉车厘茄意粉($108)，浓烈虾膏味与鲜甜蟹肉完美融合在一起挂满每条意粉，好creamy令人再三回味😋。另一个主菜系烧纽西兰肉眼扒($138)。这块肉眼扒非常嫩滑多汁，烧烤得刚刚好，保持了肉的原汁原味。每一口肉都带著浓郁的肉汁，再加埋配菜甜蕃薯角及露笋一齐食，一点都不腻。但我其实最欣赏个杂菜汤，由盛汤嘅柸至汤嘅清甜都与一般杂菜汤不同。汤够热，西芹清香味突出而不会带有"草青味"。相信唔食西芹嘅人都可以接受都呢个汤。甜品抹茶梳乎厘班戟、配咖啡芝士奶盖($78)。非常推荐就系一定要选配咖啡芝士奶盖，好香浓咖啡味不太甜带点咖啡甘苦味与班戟一齐食系绝佳配搭