籠太子點心專門店

营业中

休息中

今日来笼太子饮茶，呢度嘅点心做得非常出色，已经食过好几次，水准依旧好食。点心选择款式多，而且价钱非常相宜，平均每款$20左右，但系比起好多酒楼仲要好食。黎得呢度一定会饮依度嘅老火汤，冇味精，绝对天然，今日系红青萝卜煲猪骨，性价比超高，大大碗都只系$18 碗。另外点左烧卖两粒$15，虾饺两粒$15，呢度可以点两粒，好啱两个人饮茶，每样可以食少少。虾饺和烧卖都好好食，虾仁大大粒，爽口弹牙。黑椒金钱肚$26 金钱肚够淋亦带点爽滑，黑椒味加上花椒八角嘅味道，蒸得非常入味。药膳鸡脚$22 鸡脚煮得够软淋同入味，有满满嘅胶质，上汤有浓郁药材香味，钟意食药膳嘅一定唔可以错过。原粒瑶柱汤饺$26平时出去食灌汤饺要差唔多$50一个，呢度只需要一半嘅价钱就有得食，汤饺非常大粒，有满满嘅馅料，上汤有瑶柱粒，真材实料好好饮。雪山叉烧包$21，大大个，一份有三个，雪山皮香脆，面包软熟热辣辣，馅料亦够丰富。翡翠带子肠$26肠粉皮够簿同滑，带子鲜味十足，切开细细件，非常方便食。煎虾胶酿茄子$20 每次嚟呢度都系必食，虾胶厚肉弹牙，茄子外脆内软，加埋豉椒汁好惹味。