Amica

营业中

休息中

同朋友去开太子买结婚用品，完成后就去旁边始创中心食饭，见到有间cafe 风格嘅西餐厅就入去试吓。餐厅地方几大，坐落几舒服。晚餐set有忌廉汤同沙律做头盘。 香煎比目鱼配香草北非小米沙律试过自己喺屋企煎比目鱼扒，但系点都煎得唔好，都系出街食好。比目鱼肉质细嫩，骨少，而且都几厚肉，啖啖肉之余，外皮煎得香脆。 除咗个鱼扒，下面仲有北非小米沙律酸酸甜甜好清新，同个鱼十分夹。慢煮澳洲S级草饲牛柳因为草饲牛走动较多，所以就算同一部位肉质脂肪含量较壳饲少，色泽更呈嫩红，草饲的肉味就浓郁得多。餐厅慢煮形式令牛柳可以锁住肉汁， 另外食落相当嫩 & juicy。甜品芝士蛋糕识落唔太甜，芝士味好香，正好作饭后甜品。玫瑰白桃梳打卖相色泽已好吸引，有紫红渐变色彩，味道不太甜，透心凉。Latte咖啡咖啡豆香气扑鼻，香浓咖啡与牛奶的比例刚刚好，拉花亦显出制作者的用心。