告白果屋 (已結業)

🎀熊大同熊妹食完饭，就紧系轮到饭后甜品喇。📍系旺角弥敦道一直行，行到黎太子专卖果昔🍹咖啡☕️珍珠奶茶的饮品店《告白果屋》。📍门口大大块广告牌推广紧一款星球🌍芋圆甜品🥣，其实熊妹成日经过见到都想试下，今次就系机会喇。📍可能平日人流唔算多，店员会企系门口叫卖宣传下。📍店内都有少少长枱独立位置坐下，俾客人悠闲啲短暂停下来，竭竭脚，饮杯野。水果星球芋圆，$38中间大大粒星球🔮真系好吸引🍧，因为无咩地方见过，其实都系啲噱头野，食落去原来系海藻啫哩加半粒士多啤梨🍓半粒桃🍑的圆形物，海藻粉本身无咩味，少少甜，味道唔算咩特别。配料有自家制芋圆地瓜圆，又唔系好食得出芋头或者地瓜味🍠，就系一粒粒上左色的糯米丸子🍡，唔算好突出。仲有标榜全球首创的椰糖珍珠，声称用椰子汁液🥥做成，比一般的珍珠low GI啲，健康啲。味道真系唔算好甜，口感又未算好烟韧，感觉系比一般珍珠少加工啲既。不过椰糖珍珠未系粒粒独立分明，可能珍珠系慢煮的过程中痴埋一旧又没有用冻水隔开，所以呈现一饼饼珍珠状态。📍整体来讲，甜品的食材同味道真系好一般，系比外表噱头野响左个名堂，所以话成功靠宣传。