2 Soon Cafe

营业中

休息中

行完花墟，同老公去咗呢间Cafe 食Brunch，门口呢个拱门打卡位好靓，用了仙人掌+绿植装饰，店内装修简约舒服，仲有楼上一层。🔶明太子忌廉烟肉菠菜大虾意粉卖相几靓🤩，有几只大虾，加上鱼籽提鲜，意粉每条都挂满酱汁，明太子忌廉汁好香，加上少许烟肉& 菠菜令口感更丰富。🔶伏特加辣蕃茄忌廉蟹肉粗管通粉我同老公都好钟意呢个粉，上枱已经闻到酒香味，面头有好多蟹肉，个酱汁好有层次，酸酸甜甜嘅蕃茄味又带轻微的辣，个酒令个汁更加提升，越食越惹味，我连碟啲汁都唔放过😂🔶西班牙油炸鬼 Churros 玉桂糖包满Churros好香，食落好香脆，沾朱古力酱好夹，连埋雪糕一齐食更加分。🔶焦糖香蕉法式西多士配花生海盐奶油及雪糕件法式西多士冇想像中咁有蛋味，不过个cream 几特别好香花生味，配埋焦糖香蕉同雪糕食唔错。🔷Flat White 🔷Matcha Latte 咖啡有拉花👍🏻啡味几香，抹茶味亦浓。