太安樓牛雜

营业中

休息中

今日带一家大细长征去食太安楼，介绍牛杂比老公食，呢间几好味，分量同价钱成正比，牛杂分大中细，价钱系＄30丶＄40同＄50，可以另外加𩠌或者配面，配搭自由度好多样化。由于分量较街外店铺大份，所以价格高咗小小，但好足料，而其他食物价钱都唔贵，一𩠌面好多都系＄19就食到，讲返个牛杂，由于上次食过细牛杂超饱，所以今次有备而来，要带人一齐先食得晒，虽然细碗都要＄30，但分量丶味道同种类都值得一食，佢细碗已经系用出面小食店大碗嘅size嚟装，入面有七种食物形成一个牛杂，包括牛肚丶牛膀、牛肺、牛肠、牛腩丶猪皮同白罗白，值得一提系会问你要唔要柚皮，牛杂够淋又入味，猪皮好爽口，罗白索汁入味又够淋，而且得三丶四旧，唔系成个底都系罗白，好足料，值得一试，佢有小量位置比客人堂食，但系立食。其实个罗白见好多人会另外再买多份，是几热门的食物~如果喜欢柚皮，切勿错过