海南雞專門店

营业中

休息中

以前住港岛区饮饮食食开都知道太安楼系平民美食集中地，同荃湾路德围、葵广都系平民餐厅既必到check pointsssss!今次路经此地，就去左排晒大长龙既海南鸡饭店。食开海南鸡饭都知，尤其去开九龙湾返工都知食个海南鸡饭都要至少50蚊以上。而呢间只系卖紧$30，即系话佢个价钱仲系十年前水平，所以我唔会要求太高。讲返个海南鸡饭，师父斩鸡速度都好快，排左大概5-8分钟已经拎到自己揾位食。酱料都做足有三色酱，油饭份量都冇问题，重点海南鸡系完整地去骨同埋鸡油味充足，唔会觉得难咬多筋！另外我加左少少鸡肾，口感互相搭配感觉唔错。要知道街外好多海南鸡都系求其俾一款酱、冇油饭白切鸡当海南鸡去博大雾，呢间真系性价比最高既海南鸡。