寶哥味館 (放題店) (已結業)

日日行路返屋企都经过红磡宝哥味馆，睇见佢个menu，碟碟郁啲都过百咁，唔想就住食，都系过隔离新星打任食火锅好过。早排见宝哥味馆呢间放题店，即刻同飞妹去试。上到去要等四五张台，等位仲要出楼梯，企耐啲都焗死，心谂飞妹实扁嘴。点知入到去有卡位，坐得几舒服。汤底有十款，我地拣咗海底椰汤。每人可以拣一碟和牛拼盘或者海鲜拼盘 食完就冇，其他料就自助。呢度啲火锅料系靓啲嘅，我钟意佢樽装ZERO任饮，但系最紧要烧又得 渌又得，啱晒钟意落手落脚嘅飞妹。我唔系几嗜牛，但系老婆就大赞啲和牛又香又好味，见佢笑住咁煎啲牛我就放心嘞。食饱之后棚牙仲渗住椰香。美中不足系限时得两个钟，同埋生蚝每次一出就俾人一攞十几只，想食要𥄫到实。