太平洋酒吧 (將軍澳中心)

营业中

休息中

估唔到一间酒吧一早就开，而且环境又好，坐得好阔落，系度食下饭坐下都几舒服！我地叫佐一个照烧汁鸡扒all day breakfast，另加茄汁豆，炒蛋，窝夫，薯饼。鸡扒都几大块，鸡皮有啲焦脆，鸡肉完全唔鞋口，好嫩好滑，配埋滑捋捋既炒蛋，脆口既薯饼，已经系好好既配搭，窝夫亦软绵绵几有咬口，同样好食！另一个All day breakfast我地叫佐炸鱼柳，配薯条，窝夫同埋沙律蛋，沙律蛋好绵滑，口感好好，薯条亦炸到好脆，鱼柳都系一切落去就索索声，但鱼肉就好滑好嫩，成个配搭直情系元气满满呀！小食我地食佐一口德式肠，一粒粒好易咬，烟烟韧韧，肉味浓郁，肠仔表面都系脆口既，口感一流呀！