太平飯店 (已結業)

今年真系一个唔错嘅年份，岩岩收到一份甚佳的时间表，可以有n日day off，不过坏处就系变左唔会去住宿，都多左时间系屋企。但系都揾到一日同以前个室友约出来食饭嘅。不过今次就就我啦，将食饭嘅地点拣左系离我最近嘅北角。食嘅野，都系我所提议嘅依间太平饭店。两个人，食到嘅野并唔系好多，一个炸蚝饼，再加一份溏心蛋，其实都差唔多饱。饭店嘅环境都唔错，侍应比较殷勤，倾计都倾得比较愉快，看在你条死友咁惨四日八半，今餐就算豪比你我请啦哈哈。炸蚝饼keep 到平日嘅一贯水准，好脆，而且蚝嘅份量都冇缩水，啖啖都好有饱满嘅蚝肉，加埋热气腾腾，实在系我最最钟意嘅菜式之一。溏心蛋平日我都唔多食嘅，因为实在有点贵，但以前食过好食，今次就当介绍比朋友试下，平时出街食溏心蛋又好，茶叶蛋又好，卤水蛋又好，通常个蛋白都唔会好有味，较淡，但做得好嘅溏心蛋个蛋白嘅味道真系好正，同蛋香一齐透出来，所以间唔中食下都系几慰劳自己嘅。