隆姐泰國美食館 (已搬遷) 新店位置

谂番起，都有一段时间冇去过泰国旅游，咁近排又口痕心痒想食泰国菜。于是就落九龙城寻找美食啦。咁落去前都要做下资料搜集，叫好多人都推荐隆姐，咁就联同好友，一尝港人推介的泰国菜餐馆啦。一于以往，整杯椰汁沙冰解渴啦，感觉唔错，唔太甜。再者叫咗酿鸡翼，泰式湿炒，串烧拼盘，飞天通菜，生虾，蒜蓉包。先讲蒜蓉包，实在太香口，叫咗2次，从未试过咁好味。接著生虾，最钟意嘅就系生虾汁，超好味，又够辣，唯一唔好系生虾太少啦，每人食得1，2只。之后食飞天通菜，感觉可以啦，不过可以再辣啲。再者，酿鸡翼，第一次食，口感很好，值得推荐大家食。接者泰式湿炒，份量唔多，但带有好浓郁嘅味道，愈食愈饿。（基于冇份上载此图片，请见谅）最后串烧拼盘，一般食泰国菜都要叫的，烧得很好，唔干身，啖啖肉。