影片
更多
2019-03-01
2339 浏览
寻晚第一次去呢间无肉食，整体上都算唔错，仲有好多特色野食~不过就太早唔出野食，我地8点去食，拎咗2转野食之后出面已经无咩野食，亦都无再Refill. (当时未到9点)，搞到好多款野食都无食过，只能眼白白睇住人地食。其实野食方面系好食嘅，沙律方面仲有杂豆、杂锦小坚果，同埋少有嘅藜麦，不过青瓜略为摆得太耐有D出水，仲有苹果沙律、凉粉等等选择，酱汁都够齐备，唔错。炸野款式比较多，有春卷、沙翁仔、蛋散、炸云吞，仲有七味粉豆腐同扮炸鱿鱼须。个炸鱿鱼须其实食唔出系咩，反而炸豆腐入面够Juicy, 而春卷入面芋头蓉都比较多，炸云吞入面馅料似系人手包嘅，有红萝卜丝云耳丝等等都足料，炸野都算好食。之后第2转拎咗开胃小食，最推介麻辣云耳同莲藕，中小辣左右但辣得几过愈。之后仲拎左个汤，系椰子红萝卜汤，味道够清甜。另外仲有寿司仔，有D似炸软款蟹寿司嘅味道，好可惜一出之后畀人拎咗好多，之后就无再出过。第3转开始已经无咩野食，发现好入味嘅厚切花菇，入晒味好有新年嘅感觉。节瓜甫个芡太厚。仲试咗个唔知系咖哩定葡汁蔬菜，唔辣但都够香。之后已经无再出过野食，仲开始执野收炉了。 好彩见到佢出哈蜜瓜，大家个个排晒队一夹就夹咗
其实野食方面系好食嘅，沙律方面仲有杂豆、杂锦小坚果，同埋少有嘅藜麦，不过青瓜略为摆得太耐有D出水，仲有苹果沙律、凉粉等等选择，酱汁都够齐备，唔错。
炸野款式比较多，有春卷、沙翁仔、蛋散、炸云吞，仲有七味粉豆腐同扮炸鱿鱼须。个炸鱿鱼须其实食唔出系咩，反而炸豆腐入面够Juicy, 而春卷入面芋头蓉都比较多，炸云吞入面馅料似系人手包嘅，有红萝卜丝云耳丝等等都足料，炸野都算好食。
之后第2转拎咗开胃小食，最推介麻辣云耳同莲藕，中小辣左右但辣得几过愈。之后仲拎左个汤，系椰子红萝卜汤，味道够清甜。另外仲有寿司仔，有D似炸软款蟹寿司嘅味道，好可惜一出之后畀人拎咗好多，之后就无再出过。
第3转开始已经无咩野食，发现好入味嘅厚切花菇，入晒味好有新年嘅感觉。节瓜甫个芡太厚。仲试咗个唔知系咖哩定葡汁蔬菜，唔辣但都够香。之后已经无再出过野食，仲开始执野收炉了。 好彩见到佢出哈蜜瓜，大家个个排晒队一夹就夹咗好多旧，好快清晒。
最后试左个蕃薯糖水同红豆沙都唔错，蕃薯糖水个姜都几重味。最后五花茶都足料，菊花够香唔甜，而红茶只味都几复杂同特别，值得一试。
整体野食大部分都合格，但座位冷气够大，而且食物太快无Refill, 只能见住人地食自己又无得食。唯有下次再早D黎，再试下其他菜啦~
张贴
