太極樓京滬飯店 (已結業)

做完正经野，当然要食返餐好味道啦，我地入左青年广场觅食，见到有3间唔同款式餐厅，有日本菜、西餐同上海菜，我地最后系拣左上海菜，因为见个餐几抵食，又多选择，就入黎试啦我地一坐底就问我地饮咩茶，拣左普洱，之后就拣左个二人餐二人餐分别有一款自选凉菜、两款小菜、一款点心，配豆浆或咖啡☕️白饭要另外加钱酱蹄味道唔错，做前菜几岩，味道食落唔会觉得唔会重口味，调味得刚好跟住，到鲜肉锅贴（3只）出场啦，依个反而无太大惊喜，因为同一般出面上海包点买ge差唔多，皮都唔会太厚，下次反而想试食狗不理或者其他几款甜品到两款小菜出场啦，有红烧狮子头加麻婆豆腐，两款𩠌菜都好好‘送’饭狮子头个茨汁比较‘杰’身，但个主角-狮子头食落唔会太咸同肉质‘老’，所以尚算接受到麻婆豆腐，依个好难食得出个汁系自己调味定市面酱料包，所以不过不失，好食ge，重点唔会太咸啦，豆腐好滑，整体唔差中间想讲下，我地俾张午餐纸职员时，佢地无话我地知餐配饮品，都系听到隔离台叫豆浆先知，依点觉得职员较为唔细心，不过佢地都好好话我地知豆浆有分热同冻，所以服务方面加分啦，同埋会见我地食得七七八八，都会送碟饭后果俾我地加上环境坐得几舒服，地方够大，似饭堂咁