包販子 (已結業)

周末谂住揾间文青小店hea下，论小店来讲个格局都算唔错，有唔同嘅枱size，方便唔同嘅组合嘅人嚟hea/倾计/食嘢！不过论食物质素就好一般，只能用「油腻」两个字去形容，同朋友每人叫咗一个汉堡，虽然上菜时有张纸包住，但轻轻摸过个包都非常之油，个包应该有用油烘过，但因为餐厅都系用农夫包，完完全全吸收晒啲油，变相食落成口都系油，非常唔健康，唔值得推介！如果改用其他面包应该会有改善！另外小食叫咗个盐酥菇，听朋友讲呢个几出名，不过同样地都系非常油腻，而且基本上菇面上有大量炸粉，完全盖过本身蘑菇嘅清甜味，感觉好揾笨！都系唔推介嘅！最后饮品叫咗个西柚柠檬梳打，呢个叫正常少少，至少饮得出有西柚嘅酸甜味，有啲小清新，但都未能够盖过食物嘅油腻感。