花子舍 (已結業)

本来都有期望.....每一位员工表现都好唔自然，系人都知新开😐😐😐无可否认我系比佢个订座5折吸引到黎既，但结果系点，相信大家都估到，一定系叫原价餐抵啲。餐汤+餐酒（白酒）汤系ok,不过冻左啲，我中意热。白酒~~~~唔中意饮酒既一定唔中意饮，中意饮酒既都唔中意饮。主菜，羊扒加德国咸猪手羊扒其实都几好食，因为我中意肥。但我中意点薄荷酱既羊扒多啲。猪手就可以再脆啲，争少少，但又讲不出争啲咩。如果个价钱老实少少，会食得开心啲，价钱从来不是问题，感觉像被骗。 建议一个叫餐，其他就散叫吧。