十二味麻辣小當家 (已結業)

已经有好耐无食过香辣锅，可以话好耐无食过川菜。今次系以前或者食过嘅十二味，点解话或者可能食过呢？我系餐厅食食下听到隔离枱话哩间十二味唔系连锁𠮶间十二味 (此十二味不同彼十二味)。哩样野少理，好食、环境好就得啦。咁𠮶日我同屋企人一齐食，食咗香辣锅、夫妻肺片、木耳同白饭，个白饭要重点提及，因为啲𩠌香香辣辣，特别送饭。香辣锅拣咗5个𩠌，其中一个𩠌一定要试嘅就系年糕。香辣嘅年糕，in in韧韧，可以放系口到慢慢咀嚼，咬落仲有小小甜味。美中不足系年糕太易黐埋，有时一食就系两旧。夫妻肺片系牛嘅内脏切片，非常爽口，超级送饭，推介👍环境方面，𠮶日我坐咗室内，要注意嘅系室内比较近厨房，容易有味。室外唔知系唔系哩间餐厅嘅，夜晚室外系超靓，有境有光，chill。