影片
更多
2010-04-11
64 浏览
Monday Sunny Day, Tuesday Healthy Day……. Sunday Family Day, Tai Hing Everyday. 今日星期日唔驶返工，自然系 family day 啦。 屋企附近开咗间太兴，又未嚟过，原本前晚已打算嚟呢度食晚饭，不过见呢间太兴喺 open rice 内对上一个食评咁差，而且佢只系开咗两个几礼拜，可能未上轨道，心谂太兴啲晚餐都唔算平，都系无谓搏，就今朝嚟食早餐试吓，如果早餐都唔得，睇怕嚟食晚饭都系算把啦。亚仔瞓到黄朝八晏未起身，一于唔等佢，由我同老公身先士卒。老公点咗个 人气早餐，有火腿通粉拼北欧火腿配松脆多士 ($25), 我无食过，不过老公话个餐 OK 嘅，同一般茶餐厅无乜分别，只系个餐贵咗少少，唔太值呢个价钱。我就要咗个 德国香草肠拼香滑炒蛋配脆香包 ($24), 个包当然无翠华个脆猪咁正，个炒蛋又唔算好滑，不过不失啦。老公话佢杯奶茶就一般货色，而我本来想饮钙思宝，但店员话无货，所以改点了热柠蜜，柠檬有三片，但要饮到杯底先觉得有蜜糖味。服务方面就强差人意了，事缘我坐下发现张椅一边湿咗，叫一个经过嘅亚叔抹一抹，佢竟然话佢手上
老公点咗个 人气早餐，有火腿通粉拼北欧火腿配松脆多士 ($25), 我无食过，不过老公话个餐 OK 嘅，同一般茶餐厅无乜分别，只系个餐贵咗少少，唔太值呢个价钱。
我就要咗个 德国香草肠拼香滑炒蛋配脆香包 ($24), 个包当然无翠华个脆猪咁正，个炒蛋又唔算好滑，不过不失啦。
老公话佢杯奶茶就一般货色，而我本来想饮钙思宝，但店员话无货，所以改点了热柠蜜，柠檬有三片，但要饮到杯底先觉得有蜜糖味。
服务方面就强差人意了，事缘我坐下发现张椅一边湿咗，叫一个经过嘅亚叔抹一抹，佢竟然话佢手上块布只可抹枱，仲走过嚟帮我地抹枱，真系O 晒咀，最后都系我自己用纸巾抹干张椅。
仲有一个小插曲就系我地用餐途中，刚才提过𠮶位亚叔坐在我地隔离枱食一碟油鸡之类嘅烧味饭，但食咗唔够十分钟就张碟饭放咗落个收碟嘅餐车度，碟饭啲𩠌仲系无乜点食过，唔通真系连自己员工都觉得自己店内嘅烧味难食吗？个早餐总括嚟讲唔算出色但也不算太差，就俾个 OK 喇。
张贴
