影片
更多
2012-02-11
232 浏览
「龙」年开年饭去「龙」腾食海鲜...有意思。正所谓朝中有人好办事, 呢餐只有赞无弹。一行15人, 先走到平记海鲜档拣海鲜(识人嘅 ), 然后走入龙腾坐低 (仲有私家房), 好快第一味就上台.....大家睇完千其唔好恐慌.....系...我地系食咗以下嘅食物: (实在太多,次序可能唔太准确)1) 虎虾-刺身: 超爽, 超鲜, 超甜, 配wasabi....赞 2) 虎虾-脆炸: 超脆,超多膏(我直头连壳食埋) 3) 炸虾丸: 超弹牙(我连食两粒) 4) 特别鱼汤: 喜欢佢有皮蛋粒....果然特别 5) 龙趸-炒球: 无嘢讲因为无得弹 6) 龙趸-炆头腩: 吓亲...大碟到无朋友....炸完先炆但咬落都系脆嘅 7) 鲍鱼: 清蒸永远最夹鲍鱼...睇下几大只 8) 扇贝: 都好大只, 但嫌粉丝同蒜泥多咗D9) 圣子: 擦肉豉椒炒, 可以的但个人觉得浪费咗so新鲜so大只嘅圣子10) 花甲(应该系劲大只嘅花甲): 第一次, 第一次食呢个size嘅无甲, 好味, 新鲜, 大只, 无沙 11) 濑尿虾: 椒盐又是它嘅绝配....又系好多膏, 好味 12) 咕鲁肉: 用新鲜嘅肉去炸完再落汁炒, 从来
1) 虎虾-刺身: 超爽, 超鲜, 超甜, 配wasabi....赞
2) 虎虾-脆炸: 超脆,超多膏(我直头连壳食埋)
3) 炸虾丸: 超弹牙(我连食两粒)
4) 特别鱼汤: 喜欢佢有皮蛋粒....果然特别
5) 龙趸-炒球: 无嘢讲因为无得弹
6) 龙趸-炆头腩: 吓亲...大碟到无朋友....炸完先炆但咬落都系脆嘅
7) 鲍鱼: 清蒸永远最夹鲍鱼...睇下几大只
8) 扇贝: 都好大只, 但嫌粉丝同蒜泥多咗D
9) 圣子: 擦肉豉椒炒, 可以的但个人觉得浪费咗so新鲜so大只嘅圣子
10) 花甲(应该系劲大只嘅花甲): 第一次, 第一次食呢个size嘅无甲, 好味, 新鲜, 大只, 无沙
11) 濑尿虾: 椒盐又是它嘅绝配....又系好多膏, 好味
12) 咕鲁肉: 用新鲜嘅肉去炸完再落汁炒, 从来无食过咁好味嘅, D肉咬落系脆口的, 酸甜度刚刚好, 要俾十个赞
13) 清菜: 一定要叫番碟清清地嘅
14) 炒饭: 我无食, 但见个个饱到上心口嘅同事都食就知呢款有几好食啦
蛋散+糖水+水果作完美嘅结束。
总结: 新鲜嘅材料, 恰到好处嘅煮理, 没有多余嘅油盐, 没有满口味精, 绝对对办。
题外话/补充资料：
是日金句:
同事问: 下次嚟唔食海鲜, 净叫𩠌食饭得唔得?
老板答: 咁有乜好食呀?!
(又系㖞....唔食海鲜做乜要嚟鲤鱼门呢!)
(以上食记乃用户个人意见 , 并不代表OpenRice之观点。)
张贴
