嚐味喇沙 (已結業)

我地要咗喇沙扎肉面、海南鸡饭、酸辣猪手同椰子鸡汤。喇沙汤面唔好味，好似开汤粉咁。扎肉无味，豆卜有雪藏味。海南鸡饭啲鸡好老，咬到嘴都攰。猪手食得出系翻叮，无论系猪手定𠮶汁又唔够味。负责叫号𠮶阿姐好嘈，佢放紧饭都大大声讲嘢，由舖头叫到舖尾，咁啱我坐正系佢隔离𠮶枱，耳仔痛。呢间野整体感觉似茶餐厅，所谓「招牌」都做唔好。同我同枱嘅人都系叫日式拉面，食完我知点解。虽然系今时今日算平，但我都好肯定，唔会再帮衬。