重慶燒燒烤旗艦店 (已結業)

大熱天時返大陸食辣，唔好喇啩～於是試試重慶燒烤，希望有大陸嘅剌激辣風味啦。先黎一杯大啤酒，唔冰凍呢點已經似大陸嘅標準，而且比起平時較淡口，好似溝左水涼拌芥辣鮑魚要另醮醬油同芥辣而不是預拌。所有燒烤選了中辣，店員即嚷「中辣好辣架⋯⋯」，但今次隻辣腳話要挑戰一下喎⋯⋯燒韭菜上面的辣粉好吸引，果然辣得舌頭噴火，味粉香味撲鼻，好惹味。燒牛舌同羊肉串，牛舌厚所以好靭而且有點乾，羊肉串比牛舌易咬，充滿香料香味，可惜味道稍欠。燒大眼雞皮上鋪滿味粉同過分多鹽好鹹相比魚肉淡口，以泰式醬汁配合才可。檸檬黃金雞中翼雞肉唔入味，只有外皮香脆爭回口氣。燒茄子燒得啱啱好，同一味粉，茄子肉甜，不過不失嘅～麻辣鴨舌期望係冷盤熱嘅好怪，又唔夠味道，整餐只有辣味但完全欠奉大陸嗰種濃濃味道。