一幻拉麵 (已結業)

返工食lunch今次嚟食拉面 大概12点几到 都唔算特别多人唔使排队见到佢做紧呢个推广 几抵食餐牌嘅拉面其实唔算太多 加埋季节限定都系得三个 汤底口味同面条嘅选择就同其他嘅差唔多 后面果页见到有叉烧饭 又几新奇㖞 可能下次试吓 小食方面都唔错 有少少fusion feel👇🏼我呢个系叉烧拉面 汤底叫咗原味同埋盐味 都系佢比较推荐既 汤底其实就算原味都已经有啲咸 叉烧我觉得可以多啲 食到咁上下啲面索晒啲水又冇晒啲𩠌 最后都食唔晒啲面👉🏼同事叫咗个虾味拉面 叫咗浓厚豚骨汤底 听佢讲真系好咸👇🏼饺子就正正常常冇乜特别都系呢啲过江龙 食落其实冇乜惊喜 比较会支持小店多啲