影片
更多
2007-11-30
17 浏览
入到沙田，專登一試美國過江龍人氣Pizza店「Shakey’s」，標榜採用新鮮發酵麵糰同用手拍方法做餅，但食過真係不外如是，除咗Pizza外，其他嘢食都一樣唔好食，好失望。一行有大有細8個人，叫咗小食拼盤、凱撒沙律加三文魚、秘制燒肋骨、忌廉蟹肉卷、南瓜蔬菜意大利飯、深海龍皇（龍蝦Pizza）、雙子魔法（鴛鴦Pizza），埋單連加一$774，平均每個人成$97，飲埋嘢仲唔止呢個價添，貴得哩唔抵食，仲要唔好食！兼且地方細細排好多位，搞到好逼狹，還好嘅係Ｄ侍應都好有禮貌，招呼幾好！小食拼盤有雞翼、炸蝦、炸薯塊各4件，香口嘢不過無咩特別；凱撒沙律份量好少，所以叫咗兩客，味道都ＯＫ嘅！另外，個忌廉蟹肉卷不過不失啦，個人覺得意粉屋做得好食Ｄ。全晚最好食係個秘制燒肋骨同個深海龍皇（龍蝦Pizza），前者大件夾抵食，賣$88一客有成尺長燒豬肋骨，做得幾出色，燒得都好靚，香濃燒汁味，肉質又唔會話好乾，好似柴皮咁；而後者用澳洲龍蝦仔，連龍蝦頭同尾一齊上，賣相夠晒氣勢，雖然話用咗成隻龍蝦哩做餡，不過定價$198都偏貴，還好嘅係方形Pizza界開一格格，睇睇格格都有啖啖龍蝦肉，味道幾好，但又唔算話好大驚喜，仲
小食拼盤有雞翼、炸蝦、炸薯塊各4件，香口嘢不過無咩特別；凱撒沙律份量好少，所以叫咗兩客，味道都ＯＫ嘅！另外，個忌廉蟹肉卷不過不失啦，個人覺得意粉屋做得好食Ｄ。
全晚最好食係個秘制燒肋骨同個深海龍皇（龍蝦Pizza），前者大件夾抵食，賣$88一客有成尺長燒豬肋骨，做得幾出色，燒得都好靚，香濃燒汁味，肉質又唔會話好乾，好似柴皮咁；而後者用澳洲龍蝦仔，連龍蝦頭同尾一齊上，賣相夠晒氣勢，雖然話用咗成隻龍蝦哩做餡，不過定價$198都偏貴，還好嘅係方形Pizza界開一格格，睇睇格格都有啖啖龍蝦肉，味道幾好，但又唔算話好大驚喜，仲有，龍蝦Pizza只有薄批，大家想試就要留意喇！
成晚最難食嘅係雙子魔法（鴛鴦Pizza）同南瓜蔬菜意大利飯。個鴛鴦Pizza顧名思義就即係一個Pizza有兩種口味，又有得揀厚批或薄批，今次揀咗喜客至尊（至尊）同黃金牧童（咖喱雞）味，兩款都唔好食，成個批都好鹹。尤其「咖喱雞」個邊，勁鹹之餘Ｄ咖喱雞好似落咗好多味精煮咁，好「渴」喉！至於個意大利飯就真係完全唔掂，仲呃鬼，首先佢個英文名叫Grilled Veggie Risotto，而餐牌張相有兩條大大條炭燒南瓜，點知哩到係一碟南瓜粒粒、蔬菜粒粒意大利飯，真係睇唔到邊部份Grilled過，一睇就知係貪快將Ｄ南瓜粒、蔬菜粒連意大利飯一齊煮。最失敗係Ｄ意大利飯，根本就未熟，叫個侍應換過一碟，佢都即時解釋話Ｄ飯係煙煙韌韌，我都知正常哩講Ｄ意大利飯應該咬落飯粒軟熟、黏口、煙韌、有口感，但佢個Ｄ飯粒嘅心直惰係硬實兼白色一大點，明顯就未煮熟，不過，再哩個碟叫好Ｄ，勉強可以，但都係一碟雜菜粒意大利飯，聞落無芝士香味，感覺係客太多，廚房趕出菜，急急咁煮完就算！食完都係本地薑Pizza Hut仲好！
张贴