影片
更多
2013-11-14
4405 浏览
短时间内帮衬第２次，系因为夹硬食左鲍参翅肚餐，今次想食番上次佢唔比我地食既鸡炖翅餐，点知恶梦就开始了, 令我知道呢间私房菜真系唔岩我口味，直情要用难食黎形容，我唔会再黎.... 我地被安排坐房, 有部电视机不停跳线, 有声无画, D声又质下质, 侍应不停用REMOTE 响我地门口调较, 我地叫左3次不如熄左佢啦, 佢地先肯放弃.... 鸡炖翅虽然有成只鸡上枱, 但汤里没有浓郁的鸡味, 非常清淡, 翅量亦少.我地用酥炸生蚝换左天下第一鸡, 保持水准, ok! 香脆虾多士 - 热辣辣上枱, 非常香口, 亦有虾味, 不错!我唔知道避风塘炒蟹系咪有分门派, 但我就未食过咁样既避风塘炒蟹喇, 肉质很梅很水没有肉, 而且没有大堆头的香蒜辣椒, 一点都感受唔到避风塘既味道, 同埋蟹壳太薄, 食到成咀都系蟹壳, 应该系水蟹.... 呢度既秘制牛腩, 非常的咸, 同埋好韧, 我唔相信系冇落味精, 衰过车仔面既碎腩。上海鸭菘生菜包真系唔掂，D粒粒切得太大粒, 加上太咸 同太油... 一人食左一件就停手。本来餐系写生炆海斑尾，但佢黎左生炆龙趸尾，以为执到宝啦，点知非常的鯹，叫阿老板娘黎试味，佢话龙趸系会鯹
我地被安排坐房, 有部电视机不停跳线, 有声无画, D声又质下质, 侍应不停用REMOTE 响我地门口调较, 我地叫左3次不如熄左佢啦, 佢地先肯放弃....
鸡炖翅虽然有成只鸡上枱, 但汤里没有浓郁的鸡味, 非常清淡, 翅量亦少.
我地用酥炸生蚝换左天下第一鸡, 保持水准, ok!
香脆虾多士 - 热辣辣上枱, 非常香口, 亦有虾味, 不错!
我唔知道避风塘炒蟹系咪有分门派, 但我就未食过咁样既避风塘炒蟹喇, 肉质很梅很水没有肉, 而且没有大堆头的香蒜辣椒, 一点都感受唔到避风塘既味道, 同埋蟹壳太薄, 食到成咀都系蟹壳, 应该系水蟹....
呢度既秘制牛腩, 非常的咸, 同埋好韧, 我唔相信系冇落味精, 衰过车仔面既碎腩。
上海鸭菘生菜包真系唔掂，D粒粒切得太大粒, 加上太咸 同太油... 一人食左一件就停手。
本来餐系写生炆海斑尾，但佢黎左生炆龙趸尾，以为执到宝啦，点知非常的鯹，叫阿老板娘黎试味，佢话龙趸系会鯹鯹地既，又话已经龙趸贵好多, 特登去唔知边度边度买先有, 个问题系就算你比龙肉我食, 咁系鯹吖嘛, 都系食唔落口架啦, 最后我地冇野好讲啦，原条放番响度。
鲜蟹肉扒时疏，佢地将蟹肉完全换晒做榣柱，蟹毛都冇条, 西兰花仍然好似上次咁无味无道。
一心谂住成餐饭都咁差，上次既芒果布甸都几好食，可以攞番个尾彩啦，点知今次既芒果布甸系有浓郁既冬菇味，老板娘亦亲证有冬菇味，佢既解释系，佢D伙记将D刚刚切好既冬菇，放左响芒果布甸下面层雪柜，所以有冬菇味。解释完一轮，完全无谂过点样补偿我地，我地都唔系贪小便宜，无要求佢比折扣我地，佢只系建议我地下次食番鲍参翅肚餐，其实咁既质素，咁既态度，唔系仲谂住我地会再帮衬咁天真呀？
张贴
