漢陽苑韓國料理 (已結業)

同朋友想去食自助餐，去到南洋酒店原来已经冇做Buffet，利景酒店又多数系海鲜，唔系太岩食，于是去第二度。行行吓去到铜锣湾附近，见到呢度有任食韩烧，都算系自助餐啦！就走入去。侍应服务好差，给我的感觉系你俾得咁少钱就唔好预会有ｄ咩service。咁都算啦，食自助餐咪自己出去攞。点知食物就更令人失望。肉类款式算多，但质素欠佳，大部份都是霉霉的。有鱼和虾，不过都唔新鲜同埋ｄ虾好细只。唯有食ｄ芝士肠呀，蟹柳之类既包装货，但都一阵雪味，认真一般。生野唔掂食ｄ熟食啦，点知仲衰！拿几件薯饼，全部散晒，想放落去烧一烧都唔得。杂菜同样系溶溶烂烂。再试试ｄ寿司，又实又硬，一阵雪味。其余食物也不敢恭维。其实都冇咩胃口食佢既甜品，不过都勉强去拿碗豆腐花食。果然，又系亳无豆腐味，我成碗放低唔食。咁既质素都要成＄１２３／位，俾唔到理由我再去帮衬。