Texas Burger (已結業)

好耐之前已经想来呢间试, 网上讲到呢间啲汉堡好好食, 有日下午茶时间行开就去试, 我去果阵冇客, 就叫咗多人叫嘅蓝芝士汉堡试下, 加三十几蚊有薯条汽水. 等咗十多分钟个包到, 个包大小算OK, 可以一啖咬哂成层, 我一咬落去, 咩事, 里面有块成条柴嘅烟肉物体, 完全唔知食紧咩, 块嘢柴到咁都夹落去, 炸/煎过哂笼? 算, 再咬埋块牛肉, 系有少少肉汁, 但味道唔掂, 完全唔觉有牛肉味, 麦当劳块安格斯牛肉都好过佢, 剩系呢两样已经破坏哂个包, 未加一都要88蚊个, 完全唔值呢个价, 另外个薯条又系, 拎到嚟都已经唔系好热, 薯味有唔够, 完全唔掂, 一包讲哂, 冇下次