稻坊 (曼坊) (已結業)

系fb见不少谷友讲这里宵夜火锅放题无得输，谂住唔差。结果...规距8点先可以拎飞，8点半开始入座，但8点半因为入面无位入唔到住，大约等到8点9左右开始有位入座。座位几逼，枱与枱隔得近。在中间有自助区，可以拎野饮、糖水甜品雪糕、配料蘸酱同蔬菜丸类食物。餐纸有肉类、海鲜、菜等等选择，同朋友点左10多样食物，黎得一半，菜类全甩单，可能因为有自助区毋须理会，顺应环境，自助拎菜。第2次入单只拣自助区无嘅肉同海鲜，照样甩左一半单，只有海鲜上枱，牛猪肉全无，见隔离枱成大盘肉上，追侍应帮忙跟下，但等极都无。第3次已经系last order, 朋友食唔到牛肉唔死心，今次净点牛肉，疑似这张枱同肉类无缘，隔离枱继续大盘大盘肉上，这边全张单甩晒坚持无肉食，再次追侍应帮手只得句就快，但依然等极都无。最后朋友发火讲无牛肉唔卖单，终于在10点左右有牛肉上枱。食完后同朋友最大嘅感想系唔会再有下次。