葵記茶餐廳

营业中

休息中

难得有连假，去左我妈屋企小休几日，顺便当渡假。对于我黎讲，蓝地嘅全部食肆我都未试过，充满新鲜感，去边间食都冇所谓。妈开头话去食农家菜，话果度好味又有甜品。但是日天气又热又晒，行到呢间重开店，妈就停左脚步，原来妈想食蒸鱼。结果妈就点左梅菜蒸鲩鱼饭，我就点左雪菜肉丝炆米，配热奶茶同例汤。梅菜蒸鲩鱼饭: 梅菜唔会好咸，但腌过食物少食为妙，鲩鱼好鲜，蒸到好滑，蒸到恰到好处。鱼汁豉油下一流。雪菜肉丝炆米: 虽然份量够晒大，炆米冇味，肉丝亦都冇味，连我妈试过都话冇味。雪菜应带少许咸味，虽腌菜少食好，但完全发挥唔到味。例汤系猪骨汤，食完冇口渴感，应冇落味精，虽未至于老火汤，都带少许鲜甜味。奶茶就冇乜特别，带少许苦涩味，一般而已。妈话下次食有关鱼嘅野，就可再食，其他就唔驶了。