The Pantry (已結業)

平日夜晚elements人流真系较少完全唔使book位直入呢度用平板电脑落order几方便又有图参考头盘叫左个轻煎三文鱼三文鱼有芝麻铺面再煎香表面，形成半生熟，好香又有口感，但三文鱼唔算好新鲜，蛋黄酱亦冇乜味，整体一般。主菜有墨汁意粉，比较失望的一度菜，整个味道被番茄莎莎覆盖哂，完全食唔出墨汁味，只有番茄酸味，再加哂啲cream sauce完全唔夹。Rib-eye 好多肚膏，真正的肉唔太多，个洋葱汁调得几好味，薯角亦新鲜炸出好香口，但主角rib-eye就一般，煎得香但生熟好唔一致，有啲过生有啲过熟，而且$298的价钱真系偏贵，质素亦唔乎合。整餐饭都系为左个甜品，好彩经过失望的主食，甜品系有质素。梳乎厘pancake而家周围都系，呢间的份量应该系数一数二大份，有3块劲厚的pancake，蛋味浓郁，加上糖浆入口即溶，好似棉花糖一样，好好味，好满足！我认为soufflé pancake控可以黎试一试，不过净系食甜品得啦，主食可以去其他地方。