星‧68 (已結業)

老婆想食大闸蟹，谂住鸿星靠得住，点知港岛区鸿星执晒，得番间同集团嘅星68，试下啦。去到万宜大厦，真系大乡里，揾左好耐都见唔到间铺，原来唔系商场里面，要系外面入。去到只有6-7枱客，心谂星期日夜晚真系咁静？环境因为人少，所以都几ok，但去到食物个部份，就非常失望，大闸蟹太细只，而且唔多羔，套餐其他食物，蟹粉小笼包冇蟹粉兼冇汤汁，蟹肉芙蓉羹冇料且太咸，炸广岛蚝粉太厚而且只蚝系干嘅，上汤菜苗未熟而且系「老菜」，唔系菜苗，最后得个猪肉稍为好d，但都系净系猪肉，一d配菜都冇，埋单3个人$16xx，又冇泊车优惠，唔抵食，应该冇下次。