影片
更多
2023-06-22
2332 浏览
发现红磡土瓜湾呢带冇咩越南餐厅，较为出名系呢间端午节周围都多人，尤其中菜馆，所以最后同屋企人嚟试吓呢间餐牌选择唔算太多，不过足够，基本上最传统嘅越南菜式都有▶️ 海防蟹膏金边粉 ($70)见好多人嚟都会叫呢个，加上之前食过第一郡𠮶个几好食，所以想试吓一上枱成碗红卜卜咁就知道一定好浓味材料丰富，除咗蟹膏之外仲有两只虾、两粒香菜猪肉丸、三片扎肉蟹膏系散开一粒粒而唔系好似第一郡𠮶个咁样一件，的确好重蟹味，不过自己麻麻地个质感😅蟹汤味道鲜甜，食得出用真材实料熬制而成，不过略嫌太过浓，变得好杰身同偏油，会宁愿佢好似第一郡𠮶个咁清甜啲扎肉同虾正常，够爽弹香菜猪肉丸应该系自己整，猪肉腍而充满肉汁，香菜令味道同口感上更丰富👍🏻第一次见金边粉咁阔，系河粉嘅两倍阔度，而且系啡色嘅一开始期望佢系烟韧有嚼口面质，点知都系同河粉差唔多，欠缺烟韧口感，仲非常容易断开一断断，索晒超杰身汤底之后变咗一pat pat😟食到最后实在食唔落口，有啲失望，可能都系配返檬粉／粉丝好啲几欣赏系佢啲香料，加咗唔少炸蒜、香葱、芫荽，令碗面有啲味蕾嘅「新冲击」▶️ 越式香茅猪扒拌捞檬 ($70)猪扒巨型，可以去拍「巨大化」片🤣肉质好嫩，虽
端午节周围都多人，尤其中菜馆，所以最后同屋企人嚟试吓呢间
餐牌选择唔算太多，不过足够，基本上最传统嘅越南菜式都有
▶️ 海防蟹膏金边粉 ($70)
见好多人嚟都会叫呢个，加上之前食过第一郡𠮶个几好食，所以想试吓
一上枱成碗红卜卜咁就知道一定好浓味
材料丰富，除咗蟹膏之外仲有两只虾、两粒香菜猪肉丸、三片扎肉
蟹膏系散开一粒粒而唔系好似第一郡𠮶个咁样一件，的确好重蟹味，不过自己麻麻地个质感😅
海防蟹膏金边粉
$70
133 浏览
0 赞好
0 留言
蟹汤味道鲜甜，食得出用真材实料熬制而成，不过略嫌太过浓，变得好杰身同偏油，会宁愿佢好似第一郡𠮶个咁清甜啲
扎肉同虾正常，够爽弹
香菜猪肉丸应该系自己整，猪肉腍而充满肉汁，香菜令味道同口感上更丰富👍🏻
第一次见金边粉咁阔，系河粉嘅两倍阔度，而且系啡色嘅
一开始期望佢系烟韧有嚼口面质，点知都系同河粉差唔多，欠缺烟韧口感，仲非常容易断开一断断，索晒超杰身汤底之后变咗一pat pat😟
食到最后实在食唔落口，有啲失望，可能都系配返檬粉／粉丝好啲
几欣赏系佢啲香料，加咗唔少炸蒜、香葱、芫荽，令碗面有啲味蕾嘅「新冲击」
▶️ 越式香茅猪扒拌捞檬 ($70)
猪扒巨型，可以去拍「巨大化」片🤣
肉质好嫩，虽然炸过但唔油腻
因为比较厚身，所以咬落啖啖肉，唔韧唔柴，入面仲有少少粉粉地色👍🏻
唔多肥膏，条骨又好易切开
可以按自己口味落檬粉汁，味道甜甜酸酸唔会太咸
檬粉上面落咗大量花生碎，旁边有薄荷叶
只系檬粉始终唔够弹牙
越式香茅猪扒拌捞檬
$70
62 浏览
0 赞好
0 留言
▶️ 招牌生牛肉河粉 ($70)
用上牛骨汤底，无味精且清淡，味道清甜，个人钟意呢个多过蟹汤～
生牛肉份量慷慨，旁边附上生鸡蛋
侍应话系将生鸡蛋同豉油酱汁搅匀然后直接食用🥚不过屋企人话偏咸，应该加落汤度会比较好食
▶️ 招牌牛肉三拼汤河粉 ($68)
同生牛肉河粉汤底一样，只系多咗牛扎肉同牛丸
▶️ 越式沙爹鸡肉串 ($60)
价钱颇贵，系因为佢两串都几大条，一条等于人地两条
鸡肉串烤到边位微㶶香脆🤤够惹味
越式沙爹鸡肉串
$60
17 浏览
0 赞好
0 留言
▶️ 扎肉米纸卷 ($44)
一客四件，包得好实唔易散
入面有生菜、虾、扎肉、米粉、薄荷叶、蛋丝✨
米纸薄身而有弹性，唔会感觉未熟
本身味道清淡，主要靠薄荷叶吊味，但系点咗旁边嘅鱼露酸酸甜甜，变得非常有越南风味🇻🇳
扎肉米纸卷
$44
16 浏览
0 赞好
0 留言
▶️ 下龙湾手工墨鱼饼 ($60)
▶️ 越式脆春卷 ($44)
-
整体小食做得唔错，个人钟意串烧同米纸卷，另外欣赏佢嘅调味，每道菜嘅香料都唔会悭，成枱最多就系芫荽、薄荷叶同生菜😂
但系面质实在令人失望🙍♀️无论金边粉定檬粉都唔够烟韧弹牙
个海防蟹膏金边粉同第一群𠮶个差得远 (冇比较冇伤害，有啲怀念𠮶个味道)，不过牛骨汤ok嘅
环境干净俐落，舖细但感觉唔压迫
公众假期夜晚7:30嚟到要排队等位，我哋五个人等大枱，等大概20分钟，好在轮流算快
价钱起越南菜入面算高，可能因为租金昂贵，门口亦贴咗张纸话价钱要调高两蚊，不过佢份量够足嘅，以晚餐计亦合理
如果大家唔想等位，又想平啲，可以选择叫外卖，全日有八折
服务好抵赞☺️即使忙碌都唔会冇礼貌，反而仲非常友善，上菜速度快，会同客人介绍应该点样食，见到客人用手食得污糟会主动俾湿纸巾，非常细心
见佢服务咁好先加返少少分俾佢
张贴
