宗像牛肉屋 (已結業)

今日2点零钟去到宗像，满心期待试食日式牛肉饭。 当时店内无其他客，我们便点了2份日牛餐分别$168及$268。 上餐时发觉饭唔热只是微暖，饭份量少，啲饭有啲硬仲有饭焦同太咸牛肉都ok, 我一边食一边谂吉野家牛肉饭都好食过佢至少饭系热腾腾呀！ 我老公𠮶份仲离谱啲饭全部都系饭焦佢免强食左几啖但真系顶唔顺，系煲底嘅饭焦色都变埋。 当时有其他客人入黎，厨师就同啲客讲饭未煲好要等。 我就明白原来我地食嘅饭系冷饭，我地落单时未有其他客佢地可能又唔想再煮就将隔耐左嘅饭俾我地食。 我就同个厨师讲我先生啲饭全部系饭焦叫佢换过，个厨师都肯换最后等左十零分钟先换过啲刚煮好的饭，仲送左只温泉蛋。 其他客的餐打开盖都热腾腾同我地嘅餐差好远！ 埋单时我同个女待应讲，其实唔应该有呢啲事发生，如果无饭妳可以叫我等或者早啲关门唔做生意但俾啲咁劣质食物客人真系离谱扣晒分。 个女待应仲话佢地新开，会叫师傅再预算下，饭煲内几多寸饭先可以俾客食，我地觉得呢个答案好牵强啰！不如直接啲以后唔会有同类事情发生，做厨师唔系唔知饭焦唔可以俾客食吖！ 我地都有衬呢间老细开嘅拉面店都okay ，估唔到系呢度会咁。我先生话如果佢啲饭唔系咁