3兄弟 (已結業)

上网见到有人介绍呢个 food court，特登行过去食。因为之前食过大围个间手撕鸡肠粉太好食，所以系呢到见到加上网见到人话呢到好食，即刻就拣到啦。比平时我一定系试佢个拉面，$33就有碗。朋友叫左个烈火叉烧拉面，但无叉烧，间店比佢拣乌冬既𩠌，最后拣左吉列猪扒。而我当然系叫左个手撕鸡肠粉啦。烈火叉烧拉面 $40 (多几片叉烧个款)手撕鸡肠粉 $28首先，我必须强调个food court系用外卖餐具，虽然我唔系保护地球使者，但系只系一个小小平民既我都接受唔到佢明明系堂食都变左叫外卖咁。。。烈火吉列猪扒拉面：我朋友问我个拉面烈火系边，我试左一啖，我都揾唔到，唔辣。 个吉列猪系脆既，都几好食。但个汤系真心麻麻既，好似公仔面个啲味精汤咁啰，虽然只系$40，但唔会再食，因为$40其实都有唔少选择系吸引同好食既。(佢食完个面我先记得影)手撕鸡肠粉：肠粉一般，街边啲小食店好食啲，墙系普通超市个啲，但用黎捞手撕鸡。。。食完之前个间，我接受唔到呢间既肠粉。结论：正常，唔难食，但唔好食。