影片
更多
2018-02-06
989 浏览
个几星期前，知道呢一间蛋包饭店开嘅时候已经谂住要去食lunch 㗎啦！点知上星期去到嘅时候，佢就话有2月1号开始（即系当日）每日限售100个蛋包饭。lunch只系供应40个啫，唔好意思啊咁！我就梗系当场呆左啦，虽然唔至于话山长水远，但都真系专诚过去揾食㗎嘛！最惨嘅系当日早餐都冇食到就谂住去食个好味嘅蛋包饭，点知食都冇得食真系好失望😔😔到今日我就真系可以叹下佢哋个蛋包饭，睇吓系唔系真系咁值得排队喇！12点45分去到排队，都见到有10个人左右排紧㗎喇！佢哋系自助形式去营运嘅，排队买飞之后坐低等叫号码再自己取餐咁样。冇位嘅时候，职员就会暂停卖嘢食㗎喇！大概等左20分钟左右，就到我买嘢食喇🤗食物选择唔多，主要都系八款蛋包饭，其余都有啲甜品嘅。我就拣咗1号餐，日式咖喱牛肉蛋包饭，随餐佢仲会有一个鸡肉杂菜汤同埋嘢饮，有汽水或茶俾你拣。坐低之后，大概等左10分钟先至有嘢食，其实都唔算太耐嘅，因为始终都系即叫即整。室内环境都好日本风，都系木枱木凳为主，灯光都比较温和。值得一赞嘅系佢哋聘请嘅好多都聋人嘅职员，我觉得都系好多餐厅值得学习嘅地方。虽然佢哋听嘢可能有啲障碍，但系我都唔会有同事好大声咁讲嘢，一样
到今日我就真系可以叹下佢哋个蛋包饭，睇吓系唔系真系咁值得排队喇！
12点45分去到排队，都见到有10个人左右排紧㗎喇！佢哋系自助形式去营运嘅，排队买飞之后坐低等叫号码再自己取餐咁样。冇位嘅时候，职员就会暂停卖嘢食㗎喇！大概等左20分钟左右，就到我买嘢食喇🤗
食物选择唔多，主要都系八款蛋包饭，其余都有啲甜品嘅。我就拣咗1号餐，日式咖喱牛肉蛋包饭，随餐佢仲会有一个鸡肉杂菜汤同埋嘢饮，有汽水或茶俾你拣。坐低之后，大概等左10分钟先至有嘢食，其实都唔算太耐嘅，因为始终都系即叫即整。
室内环境都好日本风，都系木枱木凳为主，灯光都比较温和。值得一赞嘅系佢哋聘请嘅好多都聋人嘅职员，我觉得都系好多餐厅值得学习嘅地方。虽然佢哋听嘢可能有啲障碍，但系我都唔会有同事好大声咁讲嘢，一样有个好舒服嘅用餐环境！
日式咖喱牛肉蛋包饭
$88
186 浏览
0 赞好
0 留言
终于都可以一想呢个蛋包饭有几好味喇！首先饮下佢个汤，好典型嘅日本杂菜汤，当然就有啲鸡粉味啦；佢仲有一啲渍萝卜蔬菜，酸到啱啱好，几好味呀！蛋包饭就真系几失望嘅，个蛋包饭啲蛋好似薄薄一层蛋皮咁，完全熟晒！ ！讲真，食蛋包饭就梗系想啲蛋系滑捋捋㗎啦，真系几失望！日式咖喱都预咗佢系甜甜地，但系佢系完全唔辣嘅，如果想食辣嘅朋友可能就要叫佢另外一个辣味嘅咖喱喇！值得一赞嘅系佢啲牛肉炆得好腍，而且份量都唔算少，都几好食！但系会再嚟食嘅机会就少啲咯😕
张贴
