韓樂 (利東商場一期)

营业中

休息中

今晚谂住食韩国菜，见附近有这间餐厅，就是一下。嗌咗三样都好正路嘅食物，包括温泉蛋·牛肉·珍珠饭、韩式泡菜海鲜炒年糕、海鲜香葱煎饼。谂住正正常常冇咩机会出错，点知三样𩠌里面有两样都唔系好满意。第一个就系石头锅饭，外卖都预咗佢冇饭焦，呢个都可以接受，但图文不符，原来张图上面有埋菠菜芽菜同泡菜，点知一打开只系得牛肉，一堆葱粒，同萝卜粒，睇返以前啲食评，原来都有人经历同我一样嘅嘢。似乎真系偷工减料㖞。而酱汁唔系传统嘅韩式辣酱，而系啲酸甜酱，简单来讲所有饭盒里面嘅嘢都冇味包括有牛肉。要靠捞汁先至加咗啲味。牛肉比较多肥膏，唔系好食得落口。另外就系海鲜香葱煎饼，个盒仔大，点知里面打开好细，而且个饼好厚身。我印象中煎饼唔系应该薄薄嘅咩⋯⋯又唔脆，里面好湿，好多粉团，而且都冇乜味道。又去靠点汁。最觉得接受到就系韩式泡菜海鲜炒年糕，泡菜同海鲜嘅份量都算多。味道都算系最正常嘅。总括嚟讲价钱佢唔算好平，性价比好低，即使想食韩国嘢，都唔会推介。