酒肉·朋友 (已結業)

上网见有唔少正评，又有朋友推介，一于嚟试下呢间居酒屋。位置比较隐蔽，如果唔熟路嘅朋友记得睇地图🤣我同朋友2个人，去到约8点，几乎已full，好彩book咗位。坐低叫咗2杯啤酒就叫嘢食。眼见舖头伙记好少，大概等咗半个钟有多先有嘢食，非常饿😥一嚟有吉烈蚝，味道正常。跟住上咗几款牛串烧，都系中规中矩。吉烈蚝，ok。牛串、簿牛舌。牛肉秋葵、牛柳。然后嚟咗2个小食，算系今餐比较好的选择。樱花虾炸豆腐几特别～芝士年糕樱花虾炸豆腐然后再嚟嘅串烧同小食就更加普通，甚至令人失望。可能因为份量好细而且上得较慢，又食得唔系好饱☹️以下有几项中伏的，不推介：八爪鱼须(冇图)，冇调味，好似食紧胶🤢多春鱼，$18只得一条，极唔扺🤢清酒煮砚，有几只个壳烂咗都未开口，不太新鲜，而且完全冇清酒味。鸡肾，上枱时冻的，唔知系咪未熟😥因为唔够饱，加咗2款本月推介，反而唔错。封门柳，上面加咗生蒜同生洋葱，唔错。鸡皮饺子，脆卜卜几特别，个馅就一般。整体用餐体验唔系几好，唔够饱都走，冇乜嘢想encore怕又伏。点知埋单仲要每人400几蚊，真系完全唔值😖虽然串烧本身唔系平，但今餐无论质素定份量上都一定唔值400蚊一位，唔会有下次☹️