影片
更多
2020-11-03
3563 浏览
香港甚少有矶烧放题，见到大家打哂卡好吸引，所以打算试试。晚巿放题分三类，可以拣90或120分钟。见星期五唔想食得咁赶，倾下计。最后我地拣左：🔸 矶烧6款精选海鲜 + 矶烧流水虾 + 串烧放题（120分钟） - $338/位。星期五、六、日要加$28/位附加费，姐系加10%要$400/位。价钱上唔算特别平，所以都有少少期望。餐厅看似几人气，星期五PEAK HOUR我地早1.5星期前就订左枱。7点去到直接安排入座。舖面唔大，出升降机后一眼睇哂。当时入座率为1/3，已经感受到烟熏既空气，睇黎抽气系统做得麻麻。（小店黎计，都体谅到烧肉店/串烧店唔多唔少都会有少少油烟。）安排入座后，店员放低餐牌并无加以讲解就走左，后来问清楚先做到决定。饮品自助形式提取，有7-8款，普通货色。不知名啤酒，味道麻麻地。一开始店员放低左海鲜拼盘，每样2件。海鲜包括生蚝、带子、螺、鲍鱼、青口、流水虾、卜卜蚬。卖相唔特别吸引，店员等我地影完相帮我地开炉放上去烧。食物质素感觉唔到好新鲜，越烧就越缩...带子同蚝仲收哂水。海鲜食落淡而无味，更不要说鲜味，有D奇怪...流水虾大只既，烧完都几似样。虾膏同汁就无乜，肉质一般，唔会
餐厅看似几人气，星期五PEAK HOUR我地早1.5星期前就订左枱。7点去到直接安排入座。舖面唔大，出升降机后一眼睇哂。当时入座率为1/3，已经感受到烟熏既空气，睇黎抽气系统做得麻麻。（小店黎计，都体谅到烧肉店/串烧店唔多唔少都会有少少油烟。）安排入座后，店员放低餐牌并无加以讲解就走左，后来问清楚先做到决定。
饮品自助形式提取，有7-8款，普通货色。不知名啤酒，味道麻麻地。
一开始店员放低左海鲜拼盘，每样2件。海鲜包括生蚝、带子、螺、鲍鱼、青口、流水虾、卜卜蚬。卖相唔特别吸引，店员等我地影完相帮我地开炉放上去烧。食物质素感觉唔到好新鲜，越烧就越缩...带子同蚝仲收哂水。海鲜食落淡而无味，更不要说鲜味，有D奇怪...流水虾大只既，烧完都几似样。虾膏同汁就无乜，肉质一般，唔会想狂食。系有后悔拣左矶烧海鲜PLAN。
食完一Round海鲜都无乜期望，转攻串烧。比起其他串烧店，只能说种类太少。无刻意分牛、猪、鸡、羊Category，因为肉类本身都系得10款，当中4款占左系唔同味既鸡翼。其余都系丸类同蔬菜类。好笑既系唔知点解放题会有芝士捞丁(我地无食)。串烧上菜时，感觉好似见返少少曙光，卖相合格。全晚最好食系黑椒酱烧牛舌串，厚切成粒，富有弹性又软嫩，Encore左几串。其余肉类好一般，好多野都好淡味，系连食物本身应有既味都无。丸类烧得Juicy好食既，炸物又干又硬...
后来我地只系落多左份卜卜蚬同几只流水虾，加少少串烧就收左手。真系叫唔落手，又唔想浪费食物。食到90分钟既时候Last Order叫埋单，店员先讲只收现金...依点系我地疏忽无上网留意到，但如果入座时提醒客人会更佳。第一次食放题唔收卡 =,= 无奈到即刻要落去㩒机...
除左食物扣分，职员服务扣分，环境抽风扣分...令我最接受唔到既系：当回头拎袋时，见到地下有2-3只劲健康既曱甴系地上面行黎行去！我跟住佢地既行径望过去墙角.....救命！至少有5-6只！姐系头先一路用膳紧既同时佢地都开紧餐=0= 试想想楼面卫生情况都咁，厨房会系点？不敢想像... 见到后真系好不安，最后选择同左店员反映... 佢只系平平无奇咁回应：「唉！唔好意思呀...」
如果你睇到依到，我相信你拎住$400，应该知点拣。
环境: 3/10
味道: 3/10
张贴
