圃鍋 (已結業)

我同好友们最钟意就系食火锅，而且大家都好愿意花钱食好嘢，最紧要食物有质素、服务好，多多钱都肯比！今晚充满期望嚟试新野，本来觉得地方宽敞、新装修、环境舒适，打电话订位时店员态度又好，充满期待，我哋一行五人，主角未到，所以先慢慢商量叫咩汤底同埋材料，点知有个短头发、着西装外套、明显由内地来的侍应或经理多番催逼，要我地落单，其实我哋入座时七点半，整间店大有空枱，只坐满三成，又唔系阻佢做生意，亦表明主角未到，唔明点解要三番四次催我哋落单！我哋已经让步先落了汤底，正追问朋友系咪过紧嚟，呢一个冇礼貌嘅侍应又再行近我哋张枱，态度更差咁问我地：究竟你哋可以落单未？我哋俾去恶劣嘅态度吓亲！当时八点几未到关门时间，点解可以好似欠左佢咁？？过咗15分钟，我哋最后落晒单，开始食嘢，点咗个鸳鸯锅，分别系麻辣同鲨鱼骨汤，我哋发觉其中一面好难滚起，于是略略加大个炉温度，个冇礼貌侍应又出现，好似得罪咗佢咁，专登将我哋个炉下调三度，又冇问过我哋，我哋冇即时阻止佢，因为费事同佢讲咁多野，只系我哋自己之间话点解佢要郁我哋个炉嘅温度？佢听到，佢又好似好不满咁过返嚟，话：比返俾你啰！跟住就粗暴狂襟个炉升番四级，𠮶一刻大家都嬲咗