影片
更多
2023-06-30
1489 浏览
首先，价钱唔平，但质素好一般。我真心唔明点解有咁多好评。我叫咗呢个$268嘅set 广告上清楚列明有拖罗有海胆，所以我都期待佢系一个比较质素好啲嘅set到寿司嚟咗嘅时候，骤眼睇卖相还可以，但我第一个疑惑系，我件拖罗呢？于是我问一个女仔嘅侍应，佢话红色𠮶旧系拖罗。 我即时反应系：What? 咁红嘅拖罗？睇落好似赤身㖞。侍应嘅回答系：新鲜嘅拖罗系咁红嘅。 Ok, 你咁坚持我都冇办法⋯心谂：我想话我唔系第一次食拖罗啰！我又唔信你d货会新鲜得过我直接喺日本食果d啰⋯ 直到我放件寿司入口，一d鱼油都冇，我可以肯定，佢系赤身扮拖罗！另外，除了有揾笨之嫌疑之外，不得不提寿司师傅嘅功夫亦令我大开眼界。有啲鱼切到穿咗都仲可以扼成寿司攞出嚟俾啲客。仔细睇吓上图，鱼嘅中间穿了个窿露出饭粒，除咗不美观之外，口感亦差。 总括来说：好伏！
首先，价钱唔平，但质素好一般。我真心唔明点解有咁多好评。
我叫咗呢个$268嘅set
广告上清楚列明有拖罗有海胆，所以我都期待佢系一个比较质素好啲嘅set
到寿司嚟咗嘅时候，骤眼睇卖相还可以，但我第一个疑惑系，我件拖罗呢？于是我问一个女仔嘅侍应，佢话红色𠮶旧系拖罗。
我即时反应系：What? 咁红嘅拖罗？睇落好似赤身㖞。侍应嘅回答系：新鲜嘅拖罗系咁红嘅。
Ok, 你咁坚持我都冇办法⋯心谂：我想话我唔系第一次食拖罗啰！我又唔信你d货会新鲜得过我直接喺日本食果d啰⋯ 直到我放件寿司入口，一d鱼油都冇，我可以肯定，佢系赤身扮拖罗！
另外，除了有揾笨之嫌疑之外，不得不提寿司师傅嘅功夫亦令我大开眼界。有啲鱼切到穿咗都仲可以扼成寿司攞出嚟俾啲客。仔细睇吓上图，鱼嘅中间穿了个窿露出饭粒，除咗不美观之外，口感亦差。
总括来说：好伏！
张贴
