得龍大飯店 (已搬遷) 新店位置

两丁友第一次帮衬,时间约夜晚21:40入座,可能时间夜或假期闗系,想点的鱼肚,猪手全都卖晒! 叫咗以下几个𩠌:1)头抽虾(全名唔记得);哗!全碟只得9只,虾一咬落去仲要霉既,一d都唔弹牙,极唔新鲜!盛惠$128! 2)烧茄子:普通,略嫌油太多太肥腻; 3)砵酒焗蚝: 共有6只, 很一般, 盛惠$208, 以为自己去咗福临门食4)咕噜肉:叫呢个最易试到佢真章,一个字肥,劲多油,冇酸甜既香味,上环街市大排档同佢直情冇得比 食品质素欠诚意, 普通街边档都好过佢! 服务方面,几位侍应姐姐一开波不停催落单,仲sell佢地所谓既唔知咩茶熏太爷鸡,要三旧几一只,...我地想点d普通d既鸡,佢态度极恶劣话:「叫你地叫曾通烧味切鸡啰!」22:15熄冷气(营业时间23:30闗门),仲有几台客都未走,并递上单要找数,最兴系比信用咭佢,佢d态度完全唔稀罕,冇礼貌地将原子笔掟在枱上!!!全单合共$629, 简直比钱买难受! 好难想像佢可以曾经拎米芝莲奖项咁既价钱同食物质素,加上恶劣既服务态度,唔驶钱我都唔会再去!!!!!