影片
更多
2019-05-13
549 浏览
本身同班朋友聚下旧谂住食西餐，行过百德新街就谂住求其揾间望落是是正正既餐厅食。由入座到离开侍应们态度都好好，可谓好好服侍，但有两件事令我地都唔会考虑再去第二次。第一件事，食物质素同味道尚算ok，但以价钱去睇，其实食物味道只系普普通通，依个价钱咁既味道算贵。可能因为佢贵在有个任食沙律甜品吧，沙律甜品吧既食物中规中矩啦，任食既话都算系咁，起码唔会难食先。第二件事系朋友嗌左份西冷牛扒要medium rare，因为一般餐厅煮牛扒都会熟过你想要既%，所以朋友本来想要medium，都改口叫medium rare，因为怕佢煮得太熟。点知牛扒黎到，一切开我地全部人都呆左，块扒血淋淋嫁㖞，完完全全唔系medium rare，已经系去到rare既程度。本身都谂住叫朋友同餐厅讲要再熟啲，但朋友就话由佢啦，试下食rare，咁佢中意啦。之后，佢真系忍唔住要同餐厅反映，但唔系反映块扒既生熟程度，而系块扒劲多筋。我见佢切哂啲筋出黎，差唔到大半块扒无左，见到都觉得惨。佢同餐厅反映左之后，经理行出黎同佢讲话西冷不嬲都多筋，问佢一系转肉眼好无。由于朋友唔想黎多块西冷都多筋到癫，于是就接受经理既suggestion，当时经
由入座到离开侍应们态度都好好，可谓好好服侍，但有两件事令我地都唔会考虑再去第二次。
第一件事，食物质素同味道尚算ok，但以价钱去睇，其实食物味道只系普普通通，依个价钱咁既味道算贵。可能因为佢贵在有个任食沙律甜品吧，沙律甜品吧既食物中规中矩啦，任食既话都算系咁，起码唔会难食先。
第二件事系朋友嗌左份西冷牛扒要medium rare，因为一般餐厅煮牛扒都会熟过你想要既%，所以朋友本来想要medium，都改口叫medium rare，因为怕佢煮得太熟。
点知牛扒黎到，一切开我地全部人都呆左，块扒血淋淋嫁㖞，完完全全唔系medium rare，已经系去到rare既程度。本身都谂住叫朋友同餐厅讲要再熟啲，但朋友就话由佢啦，试下食rare，咁佢中意啦。
之后，佢真系忍唔住要同餐厅反映，但唔系反映块扒既生熟程度，而系块扒劲多筋。我见佢切哂啲筋出黎，差唔到大半块扒无左，见到都觉得惨。佢同餐厅反映左之后，经理行出黎同佢讲话西冷不嬲都多筋，问佢一系转肉眼好无。
由于朋友唔想黎多块西冷都多筋到癫，于是就接受经理既suggestion，当时经理系话「一系同你转肉眼扒好无？」咁因为本身块西冷得3成太生，于是朋友就同经理讲块肉眼要5成，经理都笑住话好呀无问题。
当新果块扒黎到之后，我地真系笑左块扒由西冷既3成，一升变到肉眼既7成。系Medium well呀，块扒已经连粉红色都唔见，完全系熟哂咁济，点搞呀，肉眼的确系无佢块西冷咁多筋，但系佢熟到口感好差啰真系。
朋友都废事再叫厨房换啦，因为一开头块西冷已经浪费左，唔想再浪费多块肉眼。但因为真系唔好食，佢食左半份之后都放弃左无再食。
好笑既系朋友觉得自己浪费左食物好内疚，而更内疚既系因为佢以为经理免费帮佢换左块扒，佢以为自己比左一个价钱浪费左两块扒，所以内疚左好耐😂😂。
到埋单，因为我地赶住睇戏，单都无check就比左钱，之后先发现原来经理系取消左份西冷，但落左份肉眼既价，我地即刻笑爆佢白白内疚左咁耐。
虽然肉眼只系比西冷贵50蚊，但系佢块西冷完全多筋到无人谂过会多成咁，餐厅某程度上有番啲责任，原本以为餐厅会以西冷价去补份新既肉眼比朋友，无谂过最后不单收左贵既价钱，连打个折头都无，食物又唔系话特别好食，所以真系无下次了。
最衰无影到佢切啲筋出黎张相，无图无真相左添失策！
沙律
11 浏览
1 赞好
0 留言
沙律
11 浏览
0 赞好
0 留言
西冷牛扒
$288
14 浏览
0 赞好
0 留言
张贴
