一樂小鍋 (已結業)

因为大围区粥底火锅选择不算多，决定到石门搞完身分证之后就去附近食粥底火锅。之后食过两次，火锅料系唔错服务态度都ok，点知今次就中伏。食到最尾，个汤底系出现左啲苦涩味，我地以为煲㶶左啦，但了极都冇野痴底呀，因为惊会影响到食粥，所以就同店员讲个汤底出现咗咁既问题，可唔可以换一换另一个汤底俾我地，佢就话会冇左啲海鲜味，我地都话唔紧要起码食到入口先呀，佢话可能啲萝卜唔靓所以煲煲下就会出苦味，话照落粥话同我地试下，我地都黑人问号，个汤底苦落左粥唔会冇啦啦变到冇事嫁。好啦，既然专业人士咁讲唯有试下啦，但真系好苦涩，食唔落口，好似用凉茶煲粥咁，冇人入到口，浪费哂啲粥。虽然个炸鱼皮同其他海鲜都真系好好食，但今次真系差小小,，灵魂粥底出哂事，以前真系好好多，我谂呢次真系最后一次嚟呢度。